KESYON YO POZE ANPIL
Kijan pou sèvi avèk li : Annik klike sou yon kesyon pou wè repons la. Klike yon lòt fwa sou kesyon an pou kapab kache repons lan.
Non. Moun ki andikape kapab jwenn aksè ADA nan tout abri Konte Broward yo, e konfòmeman ak direktiv ADA yo, tout abri yo, ki gen ladann abri Mass Care (Swen de Mas) tou, gen dwa fè kèlkeswa chanjman ki rezonab pou resevwa moun ki andikape. Enfòmasyon sou abri yo
Abri yo louvri pou tout rezidan ak vizitè yo. Gen divès opsyon ebèjman ki disponib.
Si w dwe evakye lakay w, premyèman, li ta pibon si w te kapab rete avèk fanmi w oswa zanmi w nan yon andwa ki andeyò zòn evakyasyon an. Se la a w ap pi alèz. Si w andikape oswa w ap deplase nan yon chèz woulant men ou gravman malad, li ta pibon si w t ale nan yon abri Dwen de Mas Kwa-Wouj Ameriken an, ki founi yon nivo swen de baz men ki pa gen pèsonèl medikal.
Si eta sante w sitèlman pa bon ke ou ta bezwen plis swen toujou pase sa abri Kwa-Wouj Ameriken an kapab founi, men ou pa bezwen dòmi lopital, petèt li ta pibon pou w si w t ale nan yon Abri pou Swen Medikal Espesyal. Abri pou Bezwen Medikal Espesyal yo ofri asistans medikal ak siveyans debaz. Abri sa yo gen anplwaye medikal ki konpetan e yo gen dèlko pou founi yon ti ekleraj ak ekipman medikal ki esansyèl. Nou swete tout fanm fanmi ak moun ki swen malad yo labyenvni. Nou ankouraje enskripsyon alavans men li pa nesesè. Finalman, si eta sante w pi grav pase nivo swen yo founi nan Abri pou Swen Medikal Espesyal yo e/oswa ou bezwen dòmi lopital pou jwenn swen yo ba w dirèkteman, nou konseye w pou w travay avèk doktè w oswa founisè sante w pou fè plan pou jwenn yon abri ki pibon pou w an, sa ki kapab vle di w ap dwe ale nan yon lopital oswa nan yon lòt etablisman medikal. Enfòmasyon sou abri yo
Pa gen okenn chaj pou rete nan yon abri.
Rezidan ki gen laj yo ta dwe fè demach anplis pou yo asire sekirite ak konfò yo pandan ak apre yon loraj oswa yon lòt kalite ijans. Petèt l ap nesesè pou yon manm fanmi w oswa moun ki swen w vin ede w. Vizit www.broward.org/hurricane pou kapab jwenn konsèy jeneral, ak www.broward.org/vulnerable pou konsèy espesifik sou kijan pou ede prepare granmoun yo. Pa bliye enskri moun lan nan Rejis Popilasyon ki vilnerab Konte Broward la. . Rejis sa a pèmèt moun ki andikape, frajil oswa ki gen pwoblèm sante enskri alavans oprè vil yo pou travayè ijans yo kapab planifye yon repons ki miyò pou rezidan vilnerab yo nan kad pwojè reskous ak retablisman. Chak vil kapab sèvi ak lis Rejis Popilasyon ki vilnerab la nan yon fason ki diferan, pou asiste travay reskous vil yo. Se pa paske ou enskri nan baz done kifè se yon garanti w ap jwenn sèvis oswa y ap mete w sou yon lis priyorite pou moun k ap jere sityasyon ijans yo. Si w bezwen plis enfòmasyon oswa pou kapab enskri, rele nan 954-831-4000.
Bèt asistans yo kapab rete nan tout abri yo, ki gen ladan abri pou Swen de Mas (Mass Care) yo. Si w gen yon bèt pou asistans e yo evakye w pou mete w nan yon abri, asire w ke bèt w a gen yon kolye avèk idantifikasyon. Mete yon prèv ke bèt la te pran tout rapèl vaksen li yo, ansanm ak yon kopi enstriksyon pou swen bèt w bezwen. Ou responsab pou okipe bèt asistans w pandan w ap rete nan abri a.
Konte Broward gen yon abri Swen de Mas (Mass Care) ki sitye nan Millenium Middle School nan Tamarac. Li obligatwa pou anrejistre bèt yo alavans, e pwopriyetè yo fèt pou rete avèk bèt yo e pou swen yo yomenm. Apa abri ki resevwa bèt yo, abri Swen de Mas (Mass Care) yo pa aksepte bèt ki pa bèt pou asistans (tankou chen pou moun ki avèg).
Si w vle rete nan yon abri pou Swen Medikal Espesyal, rele Divizyon Sèvis Granmoun ak Ansyen Militè alavans nan 954-537-2888 (Malantandan TTY 954-537-2882) e yo pral ede w fè plan pou swen bèt w.
Non. Ou pa blije enskri alavans pou antre nan yon abri Swen de Mas (Mass Care). Nou ankouraje moun enskri alavans men li pa obligatwa pou abri pou Bezwen Medikal Espesyal ak transpò nan abri. Ou pa blije itilize okenn nan sèvis yo si ou deside chanje plan w yo.
Depi yo anonse evakyasyon obligatwa e yo louvri abri Kwa-Wouj Ameriken yo, Rezo Transpò Konte Broward (BCT) founi sèvis evakyasyon pou zòn evakyasyon yo. Sizoka ta genyen yon siklòn Kategori 1 oswa 2 (Plan Evakyayson A), otobis yo pral vin chèche w sou A1A. Pou yon siklòn Kategori 3 oswa plis (Plan Evakyayson B), otobis yo pral vin chèche w sou A1A ak Federal Highway. Pwen ramasaj yo se tout arè otobis nòmal yo oswa ou kapab fè siy pou otobis yo rete nenpòt ki kote sou wout sa yo. Tout otobis evakyasyon yo make "vakyayson Ijans" anlè devan otobis yo. Sèvis evakyasyon an pral kontinye toutotan lameteyo favorab.
Seksyon Sèvis Transpò ki adapte Rezo Transpò Konte Broward la kowòdone trasnpò moun ki andikape ak moun ki gen bezwen espesyal pou mennen yo nan abri yo ak pou mennen yo tounen lakay yo. Pou kapab anrejistre alavans, rele nan Divizyon Konte Broward pou Granmoun ak Ansyen Militè nan 954-537-2888 (Malantandan (TTY) rele nan 954-537-2882).